Winsent

Mentrau Cymdeithasol Cyfredol y mae WINSENT yn gweithio gyda nhw yn Iwerddon a Chymru

Mae Third Age Foundation sydd wedi ei leoli yn Summerhill Swydd Meath, Iwerddon yn sefydliad pobl hŷn, yn cael ei redeg gan bobl hŷn ar gyfer pobl hŷn. Mae’r Third Age Foundation yn grymuso ac yn galluogi ei aelodau, yn cyflwyno syniadau newydd, yn agor posibiliadau newydd.

Mae Rhyl Create – Gallery 36 yn fenter gymdeithasol a agorwyd yng Ngorffennaf 2009, yn cynnwys artistiaid lleol a gwneuthurwyr crefftau sy’n creu ac yn arddangos paentiadau, gwaith celf, darnau wal, gwydr, gemwaith, cardiau, dodrefn meddal a cherameg o ansawdd.

Bydd Fettercairn Community Enterprise Centre yn cynnal llu o wahanol weithgareddau o glybiau ieuenctid i bobl hŷn. Mae gennym ddoc coffi hefyd lle byddwn yn darparu brecwast cynnar y bore, cinio, te a byrbrydau gyda’r nos i’r cyhoedd. Byddwn hefyd yn cynnal marchnad yn y ganolfan bob dydd Mercher.

Mae Fettercairn Youth Horse Project yn gyfleuster ceffylau sy’n eiddo i’r gymuned, wedi ei leoli yng nghalon Tallaght. Ein nod yw sianelu hoffter pobl ifanc o geffylau i weithgaredd cymunedol adeiladol ac felly’n eu darparu â’r cyfleoedd i ddatblygu eu sgiliau personol, cymdeithasol, sgiliau gyda cheffylau a sgiliau galwedigaethol. Rydym ar safle 7 acer sy’n cynnwys ysgubor ar steil Americanaidd gydag 20 o stablau, arena ymarfer awyr agored o faint Olympaidd, ystafell hyfforddi/ddarlithio, ystafell harneisiau, ystafell fwyd ac ardal bori.

Mae Rhyl Community Furniture Recycling Ltd yn gwmni a arweinir gan y gymuned a’i redeg gan wirfoddolwyr ac mae’n ailgylchu dodrefn cartref nad oes eu hangen.

Maent yn casglu dodrefn cartrefi nad oes eu hangen ac yn eu hadfer i’w gogoniant blaenorol; yna fe’u gwerthir yn y warws am bris disgownt i bobl sydd ar incwm isel neu er budd y rheiny sy’n ceisio sefydlu cartref.
Gellir cysylltu â Rhyl Community Furniture Recycling Ltd yn Unedau 15 a 16 Stad Ddiwydiannol Fforddlas, Y Rhyl, Cymru. Ffôn: 01745 362353.

Mae St. Kevin’s Family Resource Centre iyn adnodd ar gyfer y gymuned gyfan. Ein prif bwrpas yw cyfarfod ag anghenion cymdeithasol cynyddol, anghenion datblygu ac addysgol a brofir ar lefelau unigolion, teulu a chymuned. Bydd Bwrdd Rheoli gwirfoddol sy’n cynnwys pobl leol a chynrychiolwyr grwpiau statudol a chymunedol yn goruchwylio datblygiad y ganolfan. Mae hyn yn sicrhau bod gwaith y ganolfan wedi ei seilio’n bendant yng nghalon y gymuned. Mae gan waith St. Kevin gylch gwaith gwrthdlodi ac mae’n gweithio’n ôl egwyddorion datblygu cymuned o gydraddoldeb, cynhwysiant cymdeithasol a grymuso.

Mae Special Stories Publishing yn gwmni Gwyddelig llwyddiannus sy’n arbenigo mewn llyfrau ar gyfer plant, rhieni, teuluoedd ac ysgolion ledled y byd.Byddwn yn cyflwyno anabledd, materion cymdeithasol, iechyd ac addysg i bob plentyn mewn ffordd sy’n canolbwyntio ar y plentyn ac sy’n unigryw. Mae ein storïau wedi eu dylunio i ddathlu amrywiaeth a helpu plant i ddysgu pwysigrwydd derbyn pob ffrind a ffrindiau dosbarth yn gyfartal. Mae ein llyfrau ar gael mewn ysgolion, llyfrgelloedd a siopau llyfrau yn ogystal â thrwy siopau’r rhyngrwyd fel Amazon.

Mae Sensational Kids yn elusen gofrestredig sy’n darparu therapi sy’n canolbwyntio ar y teulu a gwasanaethau addysgol i blant o bob gallu yn ein canolfan therapi galwedigaethol fodern yn Kildare. Rydym yn ymfalchïo mewn darparu therapi galwedigaethol, therapi lleferydd ac iaith a gwasanaethau therapi eraill o’r ansawdd uchaf. Mae’r Sensational Kids Shop yn awr ar agor yn ein safle yn Unit F2 Kildare Business Park, Kildare felly gallwch ymweld â’n siop yn awr yn ogystal â phrynu ar-lein!

Marsh Tracks yw’r unig drac BMX safonol cenedlaethol yng ngogledd Cymru, gyda giatiau o safon Olympaidd. Bydd y trac ffordd cylched gaeedig yn cael ei ddefnyddio hefyd gan redwyr a cherddwyr Nordig a bydd yn addas ar gyfer beicwyr anabl. Bydd yn ychwanegiad hanfodol i dref y Rhyl a bydd yn helpu i ddenu ymwelwyr o’r DU gyfan o 2012 ymlaen oherwydd rhaglen o gystadlaethau a digwyddiadau sydd wedi ei chynllunio.

Mae Justin Lewis wedi ei benodi’n Rheolwr y fenter ac mae’n edrych ymlaen at y cyfleoedd cyffrous i’r gymuned a ddaw yn sgil y buddsoddiad hwn.

Fe sefydlwyd y fenter gan dîm o entrepreneuriaid a oedd wedi nodi safle tir llwyd yr oedd y Cyngor Sir yn hapus iddo gael ei ddatblygu. Canlyniad oriau lawer o gyfarfodydd a gwaith sylfaen yw’r lleoliad yma o ansawdd a’r gobaith yw y bydd yn hunan-ariannu yn y dyfodol agos.

Dywedodd y Cadeirydd “Mae aelodau’r bwrdd yn hynod ddiolchgar am y cymorth a gafodd March Tracks gan Gyngor Sir Ddinbych, nid yn unig o ran rhoi cychwyn i’r prosiect a rheoli prosiect datblygiad y safle ei hun ond hefyd am ddarparu cyllid grant hanfodol i ganiatáu i ni brynu beiciau BMX, beiciau wedi eu haddasu ar gyfer defnydd i’r anabl ac offer diogelwch a fydd yn caniatáu’r defnydd ehangaf posib i’r cyfleuster. Hefyd, er ei bod yn gynnar iawn o ran rhedeg Marsh Tracks bydd y cynnig gan Consultancy Co-op am gymorth busnes a ariennir gan WINSENT yn amhrisiadwy i sicrhau fod y cyfleuster yn glynu at egwyddorion busnes cadarn a fydd yn arwain at gynaladwyedd tymor hir.”

justin@marshtracks.co.uk

CoOptions Social Enterprise (Menter Gymdeithasol Gymreig y Flwyddyn 2011 a’r ail yng ngwobrau Mentrau Cymdeithasol y DU 2011)

Fe ffurfiwyd Co-Options Community Co-Operative Limited yn 1989 i ddatblygu cysylltiad rhwng cyflogaeth, busnesau a phobl sydd ag anabledd dysgu. Rydyn ni’n fenter gymdeithasol ac fe gaiff ein gwaith ei archwilio’n gymdeithasol, yn ariannol ac yn amgylcheddol.

Rydyn ni’n creu Busnesau ac yn lleoli Cyfleoedd Cyflogaeth a Hyfforddiant sy’n cynnwys pobl sydd ag Anabledd Dysgu. Byddwn yn seilio’r gwasanaethau hyn ar anghenion unigol y bobl y byddwn yn eu cynorthwyo.

Rydyn ni’n cynnig ystod o amgylcheddau gweithio o gyflogaeth am dâl i swyddi gwirfoddol a chymorth hamdden wedi ei addasu ar gyfer yr unigolyn.

Rydyn ni’n berchen ar 9 o fusnesau y gall pobl ddod i weithio ynddyn nhw. Bydd hyn yn helpu pobl i ddysgu sgiliau newydd, i gael cydberthnasau newydd ac i gyfrannu i’r gymuned.

Rydyn ni mor ddiolchgar am y gefnogaeth a roddwyd i ni drwy raglen Winsent a Chyngor Sir Ddinbych. Drwy ymweld â mentrau cymdeithasol eraill yn Nulyn fe helpodd hynny i ni ail-siapio ein syniadau yn enwedig gydag ailddefnyddio tecstilau a busnes ailgylchu. Kit out the Kids. www.textiles-recycling.co.uk O ganlyniad fe gynyddodd ein trosiant a’n proffid a hefyd rydyn ni’n awr wedi helpu dau gwmni arall i sefydlu mentrau tebyg.
www.cooptions.co.uk
Andy Lowe

Y gymuned sydd wedi bod yn rhedeg y Raven Inn ers mis Awst 2009 – tafarn wledig sy’n cynnig bwyd lleol a’r cwrw iawn gorau yng ngogledd Cymru.
Mae cwmni ‘cyfyngedig trwy warant’ wedi ei sefydlu i redeg y dafarn, Raven Mad Ltd. Gwirfoddolwyr sy’n gweithio yn y dafarn ac mae unrhyw broffid i’w ddefnyddio i ariannu prosiectau cymunedol y pentref yn unig.
Pan gafwyd bygythiad o gau’r dafarn a’i gwaredu, fe gynhaliwyd cyfarfodydd ym mhentref Llanarmon-yn-Iâl i weld a allai’r trigolion lleol brynu’r drwydded. Roedd y perchennog wedi ymdrechu i ddod o hyd i brynwr yn ystod dirwasgiad ac roedd hynny wedi helpu.
Yn y diwedd fe ail-agorodd y Raven Inn gyda benthyciad o £1,500 am bythefnos, rhent mis am ddim gan y perchennog ac ewyllys da a chynnig o waith caled gan y pentrefwyr.
Fe sgwriwyd y gegin yn lân, cafodd waliau eu paentio ac fe gafwyd ffotograffau hanesyddol a llestri pres yn rhoddion i’w hongian ar y waliau. Fe roddwyd dodrefn ac fe ‘wirfoddolwyd’ pen-cogydd i ddod o’i ymddeoliad.
Yn awr mae’r dafarn yn cael ei defnyddio hefyd fel swyddfa bost y pentref ac fe gynhelir llawer o gyfarfodydd a digwyddiadau cymunedol yno.
Yn ei blwyddyn gyntaf o fasnachu fe wnaeth broffid o £1,000 ar refeniw o £190,000 ac mae’r Fenter newydd sicrhau prydles weithredu estynedig o 10 mlynedd ac mae’n ystyried agor y llofftydd ar gyfer cerddwyr.

Mae WINSENT yn helpu dau o’r gwirfoddolwyr i fynd ar gwrs bragu yn 2011, felly pwy a ŵyr, yn y dyfodol sydd heb fod mor bell i ffwrdd, fe allai yfwyr y dyfodol fod yn llowcio Cwrw Cartref y Raven.